మనస్సు..!

                              మనస్సు..!

ఒక్క పలకరింపుతో పరిచేయం పెరుగుతుంది...

అభిప్రాయాలు  కలిసినచోట స్నేహం చిగురిస్తుంది...

కపటం లేని మాటల వల్ల  నమ్మకం కుదురుతుంది...

నమ్మకం ఉన్న చోట ప్రేమ విరభుస్తుంది...

మనవాళ్ళకు ఏమి జరగకూడదని జాగ్రత్తలు చెప్తాం...

ఏమి చెప్పకుండా వుంటే దిగులు మబ్బు కమ్ముతుంది...

మనల్ని పట్టించుకోకుండా ఉంటే బాధ కలుగుతుంది...

దూరం తట్టుకోలేని మనస్సు కన్నీరు పెట్టుకుంటుంది...

మనస్సు సున్నితంగా ఉంటుంది...

అందుకే, అన్నింటికీ స్పందిస్తుంది...

మనస్సు సంఘర్షణలో జరిగే ఎన్నో స్పర్సలకు నేనున్నానంటుంది...

తీపి  - చేదు జ్ఞాపకాల మధ్య ఊగిసలాడుతుంది...

                ఏమి చెయ్యలేని మనస్సు...!

                                                                     - అను మిట్టసల.

  

 

 

 

Read more ...

నువ్వుంటే చాలు..!

                            నువ్వుంటే చాలు..!


నాకు ఓదార్పునిచ్చే నీ మాటలు ఉంటే చాలు...
నా సంతోషాన్ని చూపె నీ నవ్వుంటే చాలు...
నా కోసం ఎదురు చూసే నీ చూపుంటే చాలు...
నా ధుఖ్ఖనికి ఆసరా ఇచ్చే నీ ఎద ఉంటే చాలు...
దేవుడు నీ పేరుకు నన్ను జత చేస్తే చాలు...
విధి విడదియ్యకుండా వుంటే చాలు...
నువ్వు నా సొంతమైతే చాలు...
ప్రాణం పొయ్యే వరకు నువ్వుంటే చాలు...
మొత్తం మీద నువ్వుంటే చాలు...

                                                        - అను మిట్టసల.

 

Read more ...

నువ్వే గుర్తొస్తావు..!

                     నువ్వే గుర్తొస్తావు..!

తిలకం చూస్తే - విశాలమైన నీ నుదురు గుర్తొస్తుంది...

కాటుక చూస్తే - ఆల్చిప్పలాంటి నీ కళ్ళు గుర్తొస్తాయి...

ముక్కెర చూస్తే - సంపెంగాలాంటి నీ ముక్కు గుర్తొస్తుంది...

ఎర్రని గులాబిని చూస్తే - అందమైన నీ పెదవులు గుర్తొస్తాయి...

దానిమ్మ గింజలు చూస్తే - చిక్కని నీ పలువరస గుర్తొస్తుంది...

బుట్ట కమ్మలు చూస్తే - ముచ్చటైన నీ చెవులు గుర్తొస్తాయి...

మల్లెలు చూస్తే  - నల్ల త్రాచులాంటి నీ జడ గుర్తొస్తుంది...

బంగారు కంటే చూస్తే - శంఖంలాంటి నీ మెడ గుర్తొస్తుంది...

గాజులు చూస్తే - సుకుమారమైన నీ చేతులు గుర్తొస్తాయి...

వడ్డానం చూస్తే - వయ్యారంగా కదిలే నీ నడుము గుర్తొస్తుంది...

పట్టిలు చూస్తే - కోమలంగా ఉండే నీ పాదాలు గుర్తొస్తాయి...

ఆరు గజాల చీర చూస్తే - అందానికి అడ్రస్ అయిన నువ్వు గుర్తొస్తావు...

అద్దంలో చూస్తే - నా బదులు,నువ్వే కనిపిస్తావు...

పదే పదే  నువ్వు గుర్తొస్తుంటే...

నా మనస్సంటుంది - నీలో నన్నుండనిస్తే చాలు...

                                                             -  అను మిట్టసల.

Read more ...

మనం..!

                                              మనం..!

         ప్రతి మనిషి జీవితంలో ముఖ్యమైన స్థానాలు తల్లితండ్రులు,గురువు,స్నేహితులు,దైవం.అందుకే,వీళ్ళ గురించి వ్రాయాలి అనుకుంటున్నాను.

                                                 సృష్టికి మూలం తల్లితండ్రులు...వీళ్ళ 

ప్రతిబింబాలె మనం.మన ఉనికికి కారణ మూర్తులను అపురూపంగా చూసుకోవలసిన  భాద్యత మనది.మారుతున్న ప్రపంచంతో పోటిపడినప్పుడే  మనం ఏమి సాధించగలమో సమాజానికి తెలుస్తుంది.మార్పు మన ఉనికిలో 

రావాలి కాని మనలో కాదు.ఏ స్థాయికి ఎదిగిన,ఒదిగి ఉండాలి అన్నట్టు.మనం ఎంత గొప్ప స్థాయిలో ఉన్నా  తల్లితండ్రుల ప్రేమానురాగాలను వదులుకోకూడదు.పసిపాపల నుంచి గొప్ప 

 వాళ్ళమైయ్యే వరకు వాళ్ళ కష్టసుఖాలను పట్టించు కోకుండా మనమే వాళ్ళ జీవితంగా శ్రమించిన తల్లితండ్రులను,వృధాప్యంలో వదిలెయ్యటం సమంజసమా? రేపు మన ప్రతిబింబాలు మనల్ని కూడా ఇలాగే చూస్తారేమో? ఒక్కసారి మన ప్రస్థానం ఎక్కడ నుంచి ఎలా మొదలైందో   ఆలోచించండి.

  విధ్యా  బుద్ధులు నేర్పిన గురువులకు ఏమిచ్చి మనం ఋణం తిర్చుకోగలం.ప్రతి విధ్యార్దిని గొప్ప స్థాయిలో చూడాలని గురువు ఏంతో శ్రమిస్తాడు.రెక్కలోచ్చిన మనం ఎగిరిపోతున్నాము విదేశాలకు.సంపాదనలో పడి మానవతా విలువలు కోల్పోతున్నాము.ఇది మన సాంప్రదాయం కాదు...

        మన మంచి చెడులను ఓపెన్గా షేర్ చేసుకునే వ్యక్తులు మన స్నేహితులు...మన జీవితంలో ఏంతో ముఖ్యమైన వాళ్ళు ఎందుకంటే,మనల్ని గైడ్  చేసేది వీళ్ళే.మనలాంటి మనస్తత్వం ఉన్న వాళ్ళే మన స్నేహితులౌతారు అందుకే అంత ఫ్రీగా అన్నింటిని పంచుకుంటాము .ప్రతి మనిషిలో మంచి,చెడులు ఉంటాయి..మనకి కావలసిన మంచిని వాళ్ళ దగ్గర్నుంచి తీసుకోవటం స్నేహం కాదు.వాళ్ళ చెడును సరిదిద్ది మంచిగా మలిచే శిల్పులం కావాలి.మంచి చేస్తే బుజం తట్టాలి,తప్పు చేస్తే క్షమించాలి తప్ప వదిలెయ్య కూడదు.మనలాంటి మరో వ్యక్తే మన స్నేహితులు...

        సర్వమత సమ్మేళనమే మన దేశం.మన మనస్సులో జరిగే మంచి చెడుల సంఘర్షణే  దైవం అంటాను నేను...మన మనస్సాక్షిని మించిన దైవం ఉందా..!ఎవరి అభిప్రాయం వాళ్ళది.అందరి దేవుళ్ళ సారంశము: ప్రేమగా ఉంటూ మంచిని పెంచటమే.మనల్ని సరైన మార్గంలో నడిపే సాక్షే దైవం...

     మనం మనుషులం అలాగే ఉండాలి...మన మనుగడకు కారణ భుతులైన తల్లితండ్రులను,గురువులను,స్నేహితులను,ధైవాన్ని ఎప్పట్టికి మరచిపోకూడదు..ఇది కేవలం నా మనస్సులో ఎప్పుడు మెదిలే ఆలోచనే ఈ "మనం" అభిప్రాయం... 

                                                                        - అను మిట్టసల.

  

  

        

 

 

Read more ...

మా పల్లెటూరు..!

                               మా పల్లెటూరు..!



దేవుడి సృష్టిలో అందమైన ప్రదేశం మా పల్లెటూరు...

కాలుష్యం లేని ఊరు మా పల్లెటూరు...
ప్రతి ఇంటిని మేల్కొల్పే కోడి పుంజులు...

ప్రతి ఇంట పచ్చని కల్లేపి వాకిళ్ళు...

సాక్షాత్తు లక్ష్మిదేవిని బంధించే రంగు రంగుల ముగ్గులు...
బృందావనం తలపించే పెరటి పూదోటలు...

పురాతనమైన ఆలయం...

సెలయేటి ఒడ్డున బారుగా నాటిన చింత చెట్లు...

గోపురాల అందాలను నీళ్ళపై చూపుతున్న చెరువు...

ఎరుపు - తెలుపు కలయికలో విరభూస్తున్న కలువలు...

తామరాకుపై విహరించే రొయ్య పిల్లలు...
వేకువనే కావడిపై నీళ్ళు మోసుకెళ్ళే అన్నతమ్ములు...

తివాచిలు పరిచినట్లుండె పచ్చని పొలాలు...

ఏపుగా ఎదిగిన జొన్న కంకులు...

పసుపుగా నేలను సొంతం చేసుకున్న ఆవాలు మొక్కలు...

మాకు ఎదురు ఎవరు అన్నట్టు పొగాకు తోటలు...

ప్రతి పూట మ్రోగే రోకళ్ళ చప్పుడు...

పక్షుల కిలకిల రావాలకు నీడనిచ్చే గుబ్బ చెట్లు...

పిల్లలు ఆటలాడే మైదానాలు...

పెద్దలు ముచ్చటించే రచ్చబండలు...

రేడియో రూమ్ ముందు కూర్చునే మనుషులు...

నులక మంచాలపై ఆరు భయట సేదతీరే మామ్మలు...

ఏదో ఒక చుట్టరికంతో పెనవేసుకున్న బంధుత్వం...

సెలవుల్లో మట్టి పనులకు వెళ్ళే గ్రాడ్యుయేట్లు...

చాలి చాలని వసతులలో మేదావులైన విద్యార్ధులు...

మేతకు మందలుగా వెళ్ళే ఆవులు...

ఎంతటి దురానికైన సై అనే గుర్రపు బళ్ళు...

లంతారు  వెలుగుల్లో కనిపించే చిన్న అంగళ్లు...

పండుగులకు ఇంటింటా తిరిగే హరిదాసులు...

అమ్మగారికి దండం పెట్టు అనే గంగిరెద్దుల వాళ్ళు...

సేకునాలు చెప్పే చెంచులు...

నువ్వు శ్యామలా కుతురువా అని గుర్తుపట్టే ఊరివాళ్ళు...

మీ మేనమామ మా టిచర్ అనే అమ్మ స్నేహితులు...

ఇలా  చెప్పుకుంటూపొతే,వర్ణించటానికి కరువైన పదాలు...

కాలగర్బంలో కలిసిపోతున్న పల్లెటూరి అందాలకు...

నా ఊరు పల్లెటూరు అని గర్వంగా చెప్పే నా మనస్సు...

ఇప్పుడు,పల్లె కన్నీరు కారుస్తుంటే...పట్నం వెక్కిరిస్తుంది...

నా ఊరు పల్లెటూరు అని గర్వంగా చెప్తుంది మనస్సు...

                                                         - అను మిట్టసల.

                                                                                              

 

Read more ...

                         Vote of Thanks...


Dear Web Viewers,
                          

             I am very much greatful to you all for showing interest in surfing my Website.Along with my Mother Country India and the other Countries:United States,Russia,United Kingdom,Singapore,Netherlands,Australia,Germany,Hong Kong,Indonesia,Malaysia and Sweden are giving a wonderful support to me.You can contact me with manassulonimaata@yahoo.com,naamanassulonimaata@gmail.com or else post your valuable Comments and Suggestions under the Postings.Your continuity support gives much strength to me to write further more.

                                                    Thanking You All,

                                        

                                                                           Yours Writer,

                                                                           Anu Mittasala.                                                                         

Read more ...

అంతరిస్తున్న పిచ్చుకమ్మ..!

                   అంతరిస్తున్న పిచ్చుకమ్మ..!

పంచలకు వేలాడదీసిన వరి పన్నాలకై...

మా వాకిళ్ళు చేరే పిచ్చుకమ్మ,

నిన్ను చూడాలి ఒక్కసారి రావమ్మ!!

నీ కిలకిల రావాలతో,బుజ్జి బుజ్జి గంతులతో...

మా చెట్లపై వాలే  పిచ్చుకమ్మ,

నిన్ను చూడాలి ఒక్కసారి రావమ్మ!!

ఒకప్పుడు,ప్రతి ఇంట గుంపులుగా చేరి...

మా మనస్సు దోచిన పిచ్చుకమ్మ,

నిన్ను చూడాలి ఒక్కసారి రావమ్మ!!

మా సెల్ కబుర్లకు...

రేడియెషన్ వలలో కనుమరుగౌతున్న పిచ్చుకమ్మ,

నిన్ను చూడాలి ఒక్కసారి రావమ్మ!!

వేదనతో ముగా కన్నీరు కారుస్తూ...

మీ ప్రాణాలు బలిస్తున్న పిచ్చుకమ్మ,

నిన్ను చూడాలి ఒక్కసారి రావమ్మ!!

మాకు తెలిసిన పక్షి జాతుల్లో ఒకరైన మీరు,

మా పిల్లలకు ఫోటోల్లో కనబడుతున్న పిచ్చుకమ్మ,

నిన్ను చూడాలి ఒక్కసారి రావమ్మ!!

మిమ్మల్ని కాపాడటం మా చేతుల్లో లేదనుకుంటే...

ఇంకొద్ది రోజుల్లో మా బ్రతుకు ఇంతేలే...పిచ్చుకమ్మ,

మమ్మల్ని క్షమించి... ఒక్కసారి రావమ్మ!! 

                                                        - అను మిట్టసల.

Read more ...

ఫీలింగ్ బార్డ్..!

                 ఫీలింగ్ బార్డ్..!                 

అందమైన జీవితంలోకి...

అపురూపమైన కానుకలా వచ్చావు..!

ఆహ్వానం లేని చిరు జల్లులా..!

జాబిలీ వెన్నెలలా..!

వేకువ కిరణంలా..!

ఇంద్ర ధనుస్సులా..!

ఉరుముకి మొగ్గతొడిగి విరిసే లిల్లిలా..!

ప్రేమను అందరు ఒకేలాగా ఫీల్ అవుతారు..!

అందుకు నేనేమి మినహాయింపు కాదు..!

శాస్వతమైన ప్రేమ నాకు దక్కింది..!

దేవుడు మొదటి పేజి వ్రాయక ముందే...

నువ్వు చివరి పేజి వ్రాశావు..!

ఇదే తలరాత అంటే..!

దేవుడు ఆడే ఆటలకు...శిక్ష ఎవరికీ ?

మనస్సు పక్షి రెక్కలు తెగి విలపిస్తుంటే..!

నా మనస్సును కభళింఛిన నీ ప్రేమకు,

నీ స్థానాన్ని ఇంకెవరికి ఇవ్వలేను కనుక...

నీ దానిగా మిగిలిపోవటం నాకెంతో సంతోషం...!

                                  - అను మిట్టసల.   

Read more ...

ప్రేమ తరంగాలు..!

                           ప్రేమ తరంగాలు..!


విషాదపు అంచులో నిలచిన నేను...

ఒక్కసారి వెనక్కి తిరిగి చుస్తే...

జంటగా నడచిన దారి...నువ్వు ఒంటరి అంది...

మనస్సు తెరలను చిల్చుకొని గతంలోకి తొంగి చుస్తే...

గుప్పెడు గుండెను తాకినా ఎన్నో ప్రేమ తరంగాలు...

మరో క్షణం ఏమౌతుందో తెలియని సంతోషం...

నా మనస్సు కొమ్మపై బంగారు పుష్పాలు పూయించావు...

మన కలయిక ఓ అద్భుతం...

మన స్నేహం ఓ వరం...

అందమైన క్షణాలు...

సుందరమైన రోజులు...

మధురమైన మాటలు...

తియ్యటి ప్రేమకు ప్రపంచం చేదుగా ఉంది...

రాజు-రాణిగా ప్రేమను ఏలిన క్షణాలు...

మళ్ళి కావాలంటుంది మనస్సు...

నువ్వు నాకే సొంతం అన్న మనస్సు...

ఒంటరితనం ఎంత కటినమైనదో అంటుంది...

ఆకాశం వైపు కనులు ఎత్తి చూస్తే...

నా దుఖ్ఖాని చూడలేని మేఘం వర్షించింది...

పచ్చని చెట్టు నాకు ప్రతిలా మోడుగా మిగిలింది...

నేలతల్లి బీటలువారి బోరుమంటుంది...

వెండి వెన్నెల,వేడిని వెదజల్లుతుంది...

రెక్కలు తెగిన పక్షి ఎగరనట్లు...

గాయాలపాలైన మనస్సును మోస్తుంటే...

ఆ రోజులు,మందులుగా మళ్ళి కావాలంటుంది మనస్సు...

నీ ప్రేమకు దూరమైనా నేను...

మరో అవకాశంలో నువ్వే కావాలంటుంది మనస్సు... 

                                                - అను మిట్టసల.

 

Read more ...