నే వేచి ఉంటా..!
వెన్నెలవై నువ్వు విరుస్తానంటే
చీకటినై నే వేచి ఉంటా...
కిరణంలా నన్ను తాకుతానంటే
వేకువలా నే వేచి ఉంటా...
వెచ్చగా నన్ను కమ్మేస్తానంటే
శీతాకాలంలా నే వేచి ఉంటా...
చల్లగా నన్ను చుట్టేస్తానంటే
వేసవిలా నే వేచి ఉంటా...
నీరులా నా దరికి వస్తే
దాహానై నే వేచి ఉంటా...
వర్షంలా నువ్వు కురుస్తానంటే
భుమిలా నే వేచి ఉంటా...
నావలా నువ్వు మారతానంటే
తెరచాపలా నీ వెంట ఉంటా...
ఆల్చిప్పలా నువ్వు మారతానంటే
ముత్యానై నే పొదిగి ఉంటా...
సూర్యుడిలా నువ్వు అస్తమిస్తానంటే
ప్రోద్దులా నే వాలిపోతా...
గుడిలా నువ్వు ఉంటానంటే
దీపానై నే వెలుగుతూ ఉంటా...
- అను మిట్టసల.
No comments:
Post a Comment